'A Bbèfana.

Me fa pèna 'sta vècchia 'mbacuccata
'nt'o sciallo e' lana ma c'a faccia e' friddo,
senza riénte, c'o tremmuliccio e' mmane,
ca porta 'ncopp'o zurro suoje 'stu piso
e casa casa scènne 'a cemmenèra,
piglianno riémmul' e viénto, 'stu ggèlo
r'a notte, 'sta tempèsta e' nèva
pe' mèttere 'nd'o core r'e criature
appiso cu' 'e cazètte a ppiér' o liétto
'na frèva nova, 'na smania e' cuntantèzza,
'nu pizzeco e' armunia, 'na certèzza.
'Sta vècchia accussì bbrutta e scarcagnata
ca bbèllu core tène!
E dint'a ll'uocchio luce
'nu rusculo e' poesia,
'nu suspiro ca t'allaria 'o piétto.

*

0 commenti

Lascia un Commento

Vuoi partecipare alla discussione?
Sentitevi liberi di contribuire!

Lascia un commento